Almaty oblysynda «tok urǵan» jigit oqıǵanyń qalaı bolǵanyn aıtyp berdi
TALDYQORǴAN. QazAqparat - Almaty oblysynda baǵananyń basynda «toq soqqan» maman oqıǵanyń qalaı bolǵanyn aıtyp berdi, dep habarlaıdy QazAqparat tilshisi.
«Jarkent qalasyndaǵy elektr baǵanyndaǵy shamdy aýystyrý kezinde aıaǵym taıyp ketip, qaýipsizdik belbeýine ilinip qaldym. Esimnen tanyp qalyppyn. Osy sátte qasymdaǵy jigitter demep, jerge túsirgen. Es-tússiz jatqan sátimde sol jerdegi kýágerler áleýmettik jelige «toq urdy» dep salyp jiberipti. Medıtsınalyq kómek kórsetilgennen keıin úıime qaıttym», - dedi elektr jelisin jóndeıtin maman Dıas Sultanǵazy.
Esterińizge salsaq, Panfılov aýdanynyń ortalyǵy Jarkent qalasynda 23 jastaǵy mamandy baǵana basynda toq soǵyp, aman qalǵan bolatyn. Eń bastysy jábirlenýshiniń ómirine qaýip tóngen joq. Qazir ol jumysyn jalǵastyrýda.