Almaty oblysynda telefonyn qýattamaq bolǵan 15 jastaǵy qyz mert boldy
TALDYQORǴAN. QazAqparat - Almaty oblysynda 15 jastaǵy oqýshy mert boldy. Qaıǵyly jaǵdaı Jambyl aýdanynyń Qarǵaly aýylyndaǵy úılerdiń birinde bolǵan, - dep habarlaıdy QazAqparat tilshisi.
«Oqıǵa 26-qyrkúıek kúni túngi saǵat 22:00 shamasynda bolǵan. Toq soǵý saldarynan 15 jastaǵy turǵyn mert boldy. Aldyn ala boljam boıynsha, qyzdyń uıaly telefony qýattaǵyshta turǵan. Qazir arnaıy saraptama taǵaıyndaldy»,- delingen Almaty oblystyq Polıtsııa departamenti baspasóz qyzmetiniń resmı málimdemesinde.
Esterińizge sala keteıik, osydan bir jyl buryn Almaty oblysynda uıaly telefonyn janynda ustap uıyqtaǵan 9 synyp oqýshysy qaıtys boldy. Polıtsııanyń aqparatyna sáıkes, 14 jastaǵy qyzdy qýattaǵyshta turǵan uıaly telefonnan toq soqqan.
Sol kezde Almaty oblystyq Polıtsııa departamentiniń baspasóz qyzmeti 9 synyp oqýshysynyń qazasyna baılanysty qylmystyq is qozǵalmaǵannyn jetkizdi. Sebebi bul fakti oqys oqıǵa retinde tirkelgen. Biraq Qaratal aýdanyndaǵy Polıtsııa bólimindegiler tıisti tekserý jumystaryn júrgizgen bolatyn.
