Almaty oblysynda telefon terrorısi sottaldy

TALDYQORǴAN. QazAqparat - Almaty oblysynda temir jol stantsııasyna jarylǵysh zat qoıyldy dep qońyraý shalǵan Úshtóbe qalasynyń turǵyny sottaldy. Qaratal aýdanynyń soty ony eki jylǵa bas bostandyǵynan aıyrdy, dep habarlaıdy QazAqparat tilshisi.

Aqpan aıynyń sońynda belgisiz bireý Úshtóbe qalasynda «102» nomerine habarlasyp, temir jol stantsııasyna jarylǵysh zat qoıylǵanyn aıtady. Jedel túrde Qaratal aýdandyq polıtsııasy, tótenshe jaǵdaı qyzmeti, saperlar men UQK qyzmetkerleri temir jol stantsııasyn qorshaýǵa alady. Adamdar qaýipsiz jerge shyǵarylyp, poezdar toqtatylady. Tekserý barysynda vokzal aýmaǵynda eshqandaı jarylǵysh zat tabylmady.  Ustalǵan azamat sotta óziniń alkogoldik ishimdik iship alyp, vokzal mańynda kúdikti bireýlerdiń júrgenin kórgenin aıtyp aqtaldy. Alaıda kúdikti QR QK 273- babymen kináli dep tanyldy. 46 jastaǵy azamat endi eki jylyn qylmystyq-atqarý júıesiniń qaýipsizdik deńgeıi ortasha mekemesinde ótkizetin boldy.

Aıta ketsek, tártip saqshylary jalpy terrorızmge qatysty jalǵan aqparat taratqany úshin 6 jylǵa deıin bas bostandyǵynan aıyrý jazasy qarastyrylǵanyn eskertedi.