Almaty oblysynda taıaq jegen muǵalimder polıtsııaǵa shaǵymdandy
TALDYQORǴAN.QazAqparat - Almaty oblysynda ata-anadan taıaq jegen muǵalimder polıtsııaǵa aryz jazdy. Al eki ustazdy urǵan ata-ana da Іle aýdandyq ІІB-ne shaǵym túsirgen, dep habarlaıdy QazAqparat tilshisi.
«Atalǵan derek boıynsha mekteptiń eki muǵaliminen aryz kelip tústi. Muǵalimderge qatysty oqýshynyń ata-anasynan da shaǵym túsip otyr. Qazirgi tańda dene jaraqatyn keltirý boıynsha QR ÁK-ń 73 baby birinshi tarmaǵyna sáıkes ákimshilik óndiris júrgizilýde. Qajetti saraptamalar taǵaıyndalǵan», dep málim etti oblystyq ІІD baspasóz qyzmeti.
Esterińizge sala keteıik, buǵan deıin Almaty oblysynda muǵalimdi oqýshynyń ata-anasy uryp ketkeni jaıly habarlaǵan bolatynbyz.
Іstiń nasyrǵa shabýyna 6-shy synyp oqýshysynyń úıine muǵalim urdy dep shaǵymdanyp barǵany sebep bolǵan. Al máseleniń aq-qarasyn anyqtamaǵan jetkinshektiń anasy men ápkesi mektepke kelip, muǵalimdi soqqyǵa jyqqan. Qazir taıaq jegen ustaz Boraldaıdaǵy aýrýhanada jatyr. Dárigerdiń aıtýynsha, jábirlenýshi maman bas mı jaraqatyn alǵan. Áriptesine kómekke kelgen ekinshi muǵalim de qolyn jaraqattap alǵan. Oqıǵa Іle aýdanyndaǵy Boraldaı aýylyndaǵy №15 Kenen Ázirbaev atyndaǵy orta mektepte boldy.
