Almaty oblysynda «Táýelsizdikke tartý» aktsııasy aıasynda 30 mańyzdy nysan iske qosylady
El Táýelsizdiginiń 30 jyldyǵy qarsańynda óńirde áleýmettik mańyzy bar nysandardyń ashylýy men ıdeologııalyq is-sharalar ótkizý josparlanǵan. Bul týraly Almaty oblysy ákiminiń orynbasary Rýstam Alı «JETISÝ MEDIA»aqparattyq alańynda ótken baspasóz-maslıhatynda málimdedi.
«Jetisý óńiriniń atynan biz 16 qarasha men 16 jeltoqsan aralyǵyndaǵy kezeńde 30 áleýmettik mańyzy bar nysan men is-sharalardy qamtı otyryp, «Táýelsizdikke tartý« aktsııasyn iske qosqymyz keledi. Óńir úshin mańyzdy nysandar Elbasynyń 5 áleýmettik bastamasy jáne «Jumyspen qamtýdyń jol kartasy» memlekettik baǵdarlamasy aıasynda ashylady.
Táýelsizdiktiń arqasynda elimizde áleýmettik nysandardyń ǵana emes, kásipkerliktiń de kókjıegi keńeıdi. Jańa óndiristik jobalar oblystyń jetekshi aýdandarynda iske qosylady. Kerbulaq aýdanyndaǵy qýaty jylyna 1,2 mln tonna «Alatsem« JShS tsement zaýyty, Іle, Uıǵyr aýdanynyń jańartylǵan qus fabrıkalary, qýaty 50 MVt Qaskeleń kún elektr stantsııasy, 1 200 saýyn sıyrǵa jobalyq quny 2,5 mlrd teńge bolatyn sút fermasy Táýelsizdik kúni qarsańynda tusaýy kesilip, bıylǵy jyldyń eń iri jobalary bolady», - dedi Rýstam Alı.
Ol, sondaı-aq, aýyldyq jerler men saıajaı alaptaryna erekshe nazar aýdarylǵanyn atap ótti. Óńir basshysynyń orynbasary Elbasy N.Á.Nazarbaevtyń Jarlyǵymen qalpyna keltirilgen Raıymbek aýdanyn odan ári damytý týraly aıtyp ótti. Aýdanda halyq sany artyp, 40 myńǵa jýyq adamdy quraǵan. Aımaqtyń damýyna úles qosýǵa jigerli jastar týǵan ólkelerine qaıtyp kelýde. Búginde olardyń sany 2000-nan asady. Dál osy aımaqta Táýelsizdik kúni qarsańynda shamamen 82 turǵyn úı, ákimshilik ǵımarattar jáne basqa da áleýmettik nysandar paıdalanýǵa beriledi.
Saıajaı alaptary da baqylaýda. Mysaly, osy aptada joǵaryda atalǵan aktsııa aıasynda «Shaıqorǵan» jáne «Qyzyl tas» saıajaı sektorlarynyń turǵyndary úshin oblys ortalyǵynda jalpy quny 595 mln.teńge bolatyn eki kólik júrýge arnalǵan ótkel paıdalanýǵa beriledi.
Jergilikti turǵyndardy jaıly ómir súrý jaǵdaıymen qamtamasyz etý máselesi oblys basshysy Amandyq Batalovtyń ustanǵan saıasatynyń basym baǵyty bolyp tabylady. Bul ustanymda árkez bılik nazarynda.
«Halyqty qoljetimdi turǵyn úımen qamtamasyz etý erekshe baqylaýda. Aǵymdaǵy jyldyń 16 qarashasynan bastap jyldyń sońyna deıin 446 páterlik 239 jalǵa beriletin úıdi qoldanysqa berý josparlanýda. Sonymen qatar 228 páterlik 43 nesıelik úı jáne kommýnaldyq turǵyn úıler de bar-bul 37 jeke úı. Sondaı-aq, oblys ortalyǵynyń kottedj qalashyǵyndaǵy 248 kottedj úı óz ıesin tabady dep kútilýde. Aıta keteıik, jyl sońyna deıin óńirdegi 711-den astam otbasy jalpy aýdany 74,9 myń sharshy metrdi quraıtyn baspananyń kiltin qoldaryna alatyn bolady», - dedi Rýstam Alı.
Prezıdenttiń buqaralyq sportty damytý jáne halyqtyń densaýlyǵyn jaqsartý týraly joldaýy aıasynda Almaty oblysynda 100 sport nysanynyń qurylysy qarqyndy júrgizilýde. Mysaly, oblysta qazirdiń ózinde 8 deneshynyqtyrý-saýyqtyrý kesheni jumys isteıdi jáne jyl sońyna deıin 7 jańa sporttyq-saýyqtyrý keshenderi men sport alańdary paıdalanýǵa berilmek.
Barshaǵa málim, jahandyq pandemııa Densaýlyq saqtaý júıesine úlken qaýip tóndirdi. Biraq, soǵan qaramastan, Almaty oblysy syn-qaterdi abyroımen eńserýde. Aǵymdaǵy jyly 17 nysan qurylysy júrip jatyr. Jyl sońyna qaraı Almaty oblysynyń aýdandarynda 13 dárigerlik ambýlatorııa el ıgiligine beriledi jáne Jambyl aýdanynda áıelder konsýltatsııasy bar 100 tósektik perzenthana ashylady dep josparlanǵan.
Sonymen qatar, spıker oblys ortalyǵynda álemdik standarttarǵa saı keletin, olımpıadalyq basseıniniń ashylýy Jetisýlyqtar úshin úlken oqıǵa bolatynyn, ol osy jyldyń sońyna deıin daıyn bolatynyn atap ótti. Qazirdiń ózinde kózdiń jaýyn alatyn, sáýlettik kelbetimen jáne qaıtalanbas stılimen eldiń tańdaıyn qaqtyryp otyrǵan biregeı sport nysany sý sportynyń damýyna úlken múmkindikterge jol ashady. Jobanyń quny 11,4 mlrd.teńgeden asyp jyǵylady.
