Almaty oblysynda taýda joǵalyp ketken tórt jasar bala aman-esen tabyldy

TALDYQORǴAN. QazAqparat - Almaty oblysynda taýda joǵalǵan tórt jasar bala alty saǵattan keıin tabyldy. Balany izdeýge 100-den asa adam jumyldyrylǵan, - dep habarlaıdy QazAqparat tilshisi.

«16 mamyr kúni saǵat 20:30-da Almaty oblysy TJD Kerbulaq aýdany Dolanaly aýylynyń mańynda 2018 jyly týǵan balanyń joǵalyp ketkeni týraly habarlama kelip tústi.

Ata-analardyń málimeti boıynsha, túski ýaqyt shamasynda olar tórt jasar balamen birge taýly aımaqqa sańyraýqulaq terýge shyqqan. Bir sátte ata-analar kóliktiń janynda oınap júrgen balanyń joq ekenin baıqaǵan. Úsh saǵatqa jýyq ata-analar balany óz betinshe izdestirgen, sodan keıin TJD-dan kómek surady.

Іzdestirý-qutqarý jumystaryna Almaty oblysynyń TJD qyzmetkerleri, polıtsııa, jergilikti atqarýshy organdar men jergilikti turǵyndar, sany 100-den astam azamattar jáne 1 izdestirý ıti dereý kiristi.

Іzdeý nátıjesinde saǵat 23:30-da bala joǵalǵan jerden 3 km qashyqtyqta tabyldy jáne dárigerlerdiń tekserisinen keıin ata-analaryna tapsyryldy»,- delingen Almaty oblystyq Tótenshe jaǵdaılar departamentiniń baspasóz qyzmeti taratqan habarlamada.

Vedomstvonyń aqparatyna sáıkes, qazirgi ýaqytta balanyń densaýlyǵyna tóngen qaýip joq.