Almaty oblysynda tárkilengen 5 tonna spırt ónimi densaýlyq saqtaý salasyna beriledi

NUR-SULTAN. QazAqparat - Almaty-Qapshaǵaı tas jolynda 5 tonna jalǵan alkogol ónimi bar kólik ustaldy, dep habarlaıdy QazAqparat Qarjy monıtorıngi komıtetiniń baspasóz qyzmetine silteme jasap.

«Komıtettiń Almaty oblysy boıynsha Ekonomıkalyq tergeý departamentiniń qyzmetkerleri Almaty-Qapshaǵaı tas jolynda 5 tonna jalǵan alkogol ónimin eshqandaı ruqsat qujattynsyz Taldyqorǵan qalasyna tasymaldaǵan «Mersedes» markaly júk kóligi ustaldy», delingen habarlamada.

Alkogol ónimderi Almaty oblysynyń 27 jastaǵy turǵynyna tıesili ekeni anyqtaldy. Tintý kezinde, quramynda spırti bar 5 lıtrlik 1 000 bótelke tárkilendi.

«Atalǵan fakt boıynsha tergeý amaldary júrgizilip jatyr. Barlyq qajetti saraptama taǵaıyndalyp, odan keıin spırt ónimin Almaty oblysy ákimdiginiń Densaýlyq saqtaý basqarmasyna berý máselesi sheshiletin bolady», delingen habarlamada.