Almaty oblysynda tanysyn óltirip, órtep jibergen qaskóı ustaldy
TALDYQORǴAN. QazAqparat - Almaty oblysynda tanysyn jaýyzdyqpen óltirgen kúdikti ustaldy. Qazir 26 jastaǵy jigit 30 jastaǵy azamattyń ólimine kináli dep tergelýde, dep habarlaıdy QazAqparat tilshisi.
Atalǵan oqıǵa 7 qarasha kúni Tekeli qalasynda bolǵan. Jergilikti turǵyndardyń biri qoqys alańynan órtengen jas jigittiń máıitin taýyp alǵan. Polıtseıler birden ólgen adamnyń kim ekenin anyqtady. Qazir 26 jastaǵy jigit óziniń 1996 jylǵy dos qyzymen birge kúdikti retinde tergelip jatyr.
«Ustalǵan kúdiktiniń bergen túsiniktemesinde, atalǵan jaǵdaı dastarhan basynda ishimdik iship otyrǵan kezde týyndaǵan. Eki er azamat qyz úshin sózge kelmeı, janjaldasyp, sońy adam ólimimen aıaqtalǵan. Kúdikti máıitten qutylý úshin ony qoqys alańyna aparyp, jaǵyp jiberýge árekettengen», dedi oblystyq ІІD baspasóz qyzmeti.
Qazir 26 jastaǵy kúdikti qamaýda otyr. Al qylmystyq is jóninde quzyrly organǵa habarlamaǵan 21 jastaǵy qyz da qylmystyq jaýapkershilikke tartylatyn bolady. Qazir QR QK 99-baby «Adam óltirý» faktisi boıynsha tergeý jalǵasýda.
