Almaty oblysynda Talǵar aýdanynyń turǵynynan 5 keliden astam gashısh tárkilendi
Almaty oblysy Polıtsııa departamenti Esirtki qylmysyna qarsy is-qımyl basqarmasynyń qyzmetkerleri aýdandyq polıtsııa qyzmetkerlerimen birlesip, esirtki zattaryn saqtaý derekterin anyqtaýǵa baǵyttalǵan jedel-izdestirý is-sharalaryn júrgizdi.
Talǵar aýdany Qarabulaq kentindegi úı-jaıdy sanktsııalanǵan tintý barysynda 43 jastaǵy jergilikti turǵynnan saraptama «gashısh» esirtki zaty dep tanyǵan ósimdik tektes zaty bar 4 plastıkalyq shólmek tabylyp, tárkilendi.
Zerttelgen zattyń jalpy salmaǵy 4 kg. 956 gramm. Qyzmettik-izdestirý ıtiniń kómegimen turǵyn úıdi tintýdi jalǵastyrý kezinde, saraıdaǵy gaz plıtasynan tártip saqshylary spetsıfıkalyq ıisti, jasyl tústi zat bar 2 paketti taýyp, tárkiledi.
Atalǵan zat sarapshylardyń qorytyndysy boıynsha «gashısh» esirtkisi bolyp tanyldy. Eki pakettiń salmaǵy 722,40 gramm. Osylaısha, tárkilengen esirtkiniń jalpy salmaǵy 5 kg. 678,4 grammdy qurady.
Atalǵan derek QR QK-niń 296-babynyń 4-bóligi «Asa iri mólsherdegi esirtki, psıhotroptyq zattardy, sol tektesterdi ótkizý maqsatynsyz zańsyz daıyndaý, qaıta óńdeý, ıemdený, saqtaý, tasymaldaý» boıynsha tirkeldi. Kúdiktige sotqa deıingi tergeý kezeńinde kúzetpen ustaý túrindegi bultartpaý sharasy sanktsııalandy.
