Almaty oblysynda taǵy bir servıstik ákimdik ashyldy

TALDYQORǴAN. QazAqparat - Almaty oblysynyń Іle aýdanynda taǵy bir servıstik ákimdik ashyldy. Jańa formattaǵy memlekettik qyzmet kórsetý alańy Ótegen batyr aýylynda ornalasqan, dep habarlaıdy QazAqparat tilshisi.

Servıstik ákimdik memleket basshysy Qasym-Jomart Toqaevtyń «Halyq únine qulaq asatyn memleket» tujyrymdamasyn iske asyrý maqsatynda ashylyp otyr. Bul jerde bir mezette 9 bólim jumys istep, 56 memlekettik qyzmet túri usynylady. Mamandar halyqty jeke-jeke emes, ashyq alańda qabyldaıdy. Bul óz kezeginde ýaqytty únemdep, sybaılas jemqorlyqtyń aldyn alýǵa múmkindik beredi.

Búgingi tańda Almaty oblysynda 8 servıstik ákimdik jumys isteýde. Olar Aqsý, Balqash, Qarasaı, Qaratal, Kóksý, Raıymbek, Іle aýdandarynda jáne Taldyqorǵan qalasynda ornalasqan. Jyl sońyna deıin oblystyń barlyq qalalary men aýdandarynda osyndaı servıstik ákimdikter ashý josparlanýda.