Almaty oblysynda taǵy bir aýyl karantınge jabylady
TALDYQORǴAN. QazAqparat - Almaty oblysynda taǵy bir eldimeken karantınge jabylady, dep habarlaıdy QazAqparat tilshisi óńir ákiminiń baspasóz qyzmetine silteme jasap.
30 sáýir kúngi sońǵy málimet boıynsha, Qazaqstanda koronavırýs ınfektsııasy taǵy 83 adamnan anyqtaldy. Onyń ishinde Almaty oblysynan 3 adam tirkeldi. Olar Kegen aýdanynyń 63, 49 jáne 33 jastaǵy turǵyndary.
«Úsh naýqastyń 2-eýi buǵan deıin aýyrǵan syrqatpen baılanysta bolǵandyqtan Kegen aýdandyq ortalyq aýrýhanasynyń provızorlyq bóliminde karantınde bolatyn. Qazir barlyǵy Qarasaı aýdandyq ortalyq aýrýhananyń ınfektsııalyq bólimine jatqyzylady. Olarmen baılanysta bolǵandar – 12 adam. Barlyǵy oqshaýlandyrylyp, epıdemıologııalyq tekserýler júrgizilýde», - delingen aqparatta.
Osylaısha, búgingi kúni Kegen aýdanynda koronavırýs juqtyrǵandar sany 6 adamǵa jetti. Osyǵan oraı, Kegen aýylyn karantınge jabý týraly aýdannyń bas memlekettik sanıtarlyq dárigeriniń arnaıy qaýlysy shyqty.
Aıta keteıik, buǵan deıin Almaty oblysynda Zarechnyı aýyly jáne Jarkent qalasy karantınge jabylǵanyn habarlaǵan bolatynbyz.
