Almaty oblysynda sybaılas jemqorlyqqa qarsy marafon bastaldy
TALDYQORǴAN. QazAqparat - QR Memlekettik qyzmet isteri jáne sybaılas jemqorlyqqa qarys is-qımyl agenttigi Almaty oblysy boıynsha departamentiniń uıymdastyrýymen Taldyqorǵan qalasynda «Adal jol - Chestnyı pýt» sybaılas jemqorlyqqa qarsy marafony bastaldy. Atalǵan shara sáýir-jeltoqsan aralyǵynda estafeta prıntsıpi boıynsha oblystyń barlyq aımaǵynda ótetin bolady, dep habarlaıdy QazAqparat tilshisi.
«Adal jol - Chestnyı pýt» marafony Halyqaralyq sybaılas jemqorlyqpen kúres kúni - 9 jeltoqsanda Taldyqorǵan qalasynda aıaqtalatyn bolady. Al óz kezeginde marafonǵa qatysýshy aýdan, qalalar túrli sharalar, atap aıtqanda, baıqaýlar, semınarlar, pikirsaıystar, jaıdarman oıyndary, fleshmobtar, avtosherýler ótkizip, arnaıy jasalǵan «Adal jol - Chestnyı pýt» kitaby men marafon baıraǵyn kelesi óńirge saltanatty túrde tabys etýi qajet.
Departament basshysy Serikbaı Nurǵısaev joǵaryda atalǵan kitap pen baıraqty Alakól aýdanyna saltanatty túrde tabys etti. Bul kitap ár óńirdegi sybaılas jemqorlyqqa qarsy sharalar týraly fotoesepti tirkep, qysqasha aqparatpen tolyǵatyn bolady.
Marafonnyń maqsaty - sybaılas jemqorlyqqa qarsy mádenıet qalyptastyrý, jemqorlyqqa qarsy qozǵalysqa oǵan degen nóldik tózbeýshilik jaǵdaıyn qalyptastyrý arqyly jalpy qoǵamnyń ár múshesin jumyldyrý.
