Almaty oblysynda súıiktisin saǵynǵan qyz úıden qashyp ketken
TALDYQORǴAN.QazAqparat - Almaty oblysynda bir apta boıy izdeýde bolǵan qyz tabyldy. 17 jastaǵy boıjetken súıiktisine qashyp ketken, dep habarlaıdy QazAqparat tilshisi.
«Qaratal aýdanynyń polıtseılerine Úshtóbe qalasynyń 38 jastaǵy turǵyny shaǵymdandy. Onyń aıtýynsha, 1 qańtar kúni kámelettik jasqa tolmaǵan qyzy úıden shyǵyp ketip, oralmaǵan. Óz betterinshe izdeý jumystaryn júrgizgen, biraq nátıje bermepti», - dep málim etti oblystyq ІІD baspasóz qyzmeti.
Joǵalǵan qyz Almaty qalasynan tabyldy. Ol jaqta onyń súıiktisi turady eken. Boıjetkenniń ǵashyǵy da Úshtóbe qalasynyń turǵyny bolyp shyqty. Іzdestirý barysynda qos ǵashyqtyń meken etken jeri anyqtaldy. Qazir kámelettik jasqa tolmaǵan stýdent qyz ata-anasymen birge. Ata-anasymen tártip saqshylaryn aıaǵynan tik turǵyzǵan boıjetken esepke qoıylyp, polıtseıler onymen túsindirý jumystaryn júrgizdi.
Esterińizge sala keteıik, biz buǵan deıin Úshtóbe qalasynyń turǵyny súıiktisine barý úshin kórshisiniń kóligin aıdap ketkenin habarlaǵan bolatynbyz.
