Almaty oblysynda «sýıtsıdke jetkizý» babymen oqýshy ólimi tergelýde
TALDYQORǴAN. QazAqparat - Almaty oblysynyń Talǵar aýdanynda asýly kúıinde tabylǵan 15 jastaǵy oqýshynyń ólimine baılanysty sotaldy tergeý júrip jatyr, dep habarlaıdy QazAqparat tilshisi.
Aslan Ǵazızov Talǵar aýdanynyń Týǵanbaı aýylyndaǵy mektepterdiń birinde 9-synypta oqyǵan.
«Polıtsııaǵa kóz jumǵan balanyń ata-anasynan aryz tústi. Qazirgi ýaqytta osy derekke sáıkes QR Qylmystyq kodeksiniń 105-inshi, ıaǵnı «Ózin-ózi óltirýge deıin jetkizý» baby boıynsha sotqa deıingi tergeý amaldary júrgizilip jatyr. Bul is Talǵar aýdandyq polıtsııasynyń óndirisinde. Degenmen, tergeý isin Almaty oblysy polıtsııasynyń Tergeý basqarmasy óziniń qatań baqylaýyna aldy», - dedi oblystyq Polıtsııa departamenti baspasóz qyzmetiniń ókili Serik Úpıev.
Balanyń ata-anasy uldarynyń ólimine muǵalimderdi kinálap otyr. Aslannyń anasy Baqyt Seısenbınovanyń sózinshe, muǵalimder balasyna aýyr sózder aıtyp, namysyna tıgen.
Aıta keteıik, oqıǵa 27 aqpan kúni bolǵan. Mektepten úıine kelgen Aslan Ǵazızov qorada asýly kúıinde tabyldy.
