Almaty oblysynda sýǵa batyp ketken muǵalimniń denesi tabylmaı jatyr
TALDYQORǴAN. QazAqparat - Almaty oblysynda sýǵa batyp ketken Abdýrashıd Hasanovtyń denesi tabylmaı jatyr. Ol Eńbekshiqazaq aýdanyndaǵy Avangard aýylynda ınformatıka pániniń muǵalimi bolatyn. Artynda úsh balasy jáne jary qaldy. Búgin izdestirý jumystarynyń jalǵasyp jatqanyna úsh kún bolady. Biraq, áli nátıje joq, dep habarlaıdy QazAqparat tilshisi.
Shelek ózenine batyp ketken 1984 jylǵy Hasanovtyń múrdesin tabý úshin qutqarýshylar «Bartoǵaı» sý qoımasyn japqan.
«Oqıǵa ornynda 4 súńgýir men 8 tótenshe jaǵdaılar qyzmetiniń mamandary izdestirý jumystaryn júrgizýde», dedi oblystyq TJD baspasóz qyzmetiniń ókili Azamat Jurtbaev.
Esterińizge sala keteıik, 26 maýsym kúni Eńbekshiqazaq aýdanynda 1988 jylǵy qyz bala sýǵa batyp, ony eki azamat qutqarýǵa tyrysqan. Ókinishke oraı, úsheýi de sýǵa batyp, ózennen shyǵa almaı qalǵan.
Qyz balanyń jáne 1995 jylǵy jigittiń múrdesi tabyldy. Endi qutqarýshylar 1984 jylǵy azamattyń denesin taba almaı jatyr. Sýǵa batyp ketken adamdar bir-birine týys bolyp keledi.
