Almaty oblysynda sýǵa batyp ketken muǵalimniń denesi besinshi táýlikte tabyldy
TALDYQORǴAN.QazAqparat - Almaty oblysynda sýǵa batyp ketken muǵalimniń denesi besinshi táýlikte tabyldy. Abdýrashıd Hasanov Eńbekshiqazaq aýdanyndaǵy Avangard aýylynda ınformatıka pániniń muǵalimi bolǵan. Qyz balany qutqaramyn dep ózi de ózenge batyp ketken muǵalimniń múrdesin Shelek ózeninen qutqarýshylar alyp shyqty, dep habarlaıdy QazAqparat tilshisi.
Esterińizge sala keteıik, 26 maýsym kúni Eńbekshiqazaq aýdanynda 1988 jylǵy qyz bala sýǵa batyp, ony eki azamat qutqarýǵa tyrysqan. Ókinishke oraı, úsheýi de ózennen shyǵa almaı qalǵan. Qyz balanyń jáne 1995 jylǵy jigittiń múrdesi kóp uzamaı tabyldy. Al 1984 jylǵy Abdýrashıd Hasanovtyń denesin bes táýlik boıy izdeýge týra keldi. Sýǵa batyp ketken adamdar bir-birine týys bolyp keledi.
Almaty oblysynda jyl basynan beri 18 adam sýǵa batyp, kóz jumdy. Onyń jeteýi balalar. Sońǵy oqıǵa Іle aýdanynda boldy. 29 maýsym kúni 2004 jylǵy qyz balalar ózenge batyp ketken.
