Almaty oblysynda sýbsıdııaǵa bólingen 500 mln teńge ıgerilmegen

TALDYQORǴAN. QazAqparat – Byltyr Almaty oblystyq aýyl sharýashylyǵy basqarmasynda 500 mln teńge ıgerilmegen. Atalmysh qarjy sýbsıdııaǵa bólingen. Bul týraly oblystyq máslıhat depýtattary qatysqan jıynda málim boldy, dep habarlaıdy QazAqparat tilshisi.

Depýtattar bólingen qarjynyń ıgerilmegenine narazy. Sondyqtan qarjy ıgerilmese, qatań shara qoldaný kerek degen usynys bildirdi.

«Qanshama sharýanyń qoly sýbsıdııaǵa jetpeı júr. Shaǵym óte kóp. Úkimet basynan aqsha bólinedi. Al ol ıgerilmeı jatady. Qarapaıym halyq sol qoldaýǵa qoly jetpeı, qınalyp júr. Sondyqtan bul jaıtqa kim kináli, anyqtap, shara qoldanbasa, is osylaı jalǵasa beredi», - dedi máslıhat depýtattary.

Al aqshanyń ıgerilmegenin baıandaǵan baıandamashy, Almaty oblystyq qarjy basqarmasy basshysynyń orynbasary Janar Kerimbekova tıisti organǵa hat joldaǵanyn jetkizdi.

«Almaty oblystyq aýyl sharýashylyǵy basqarmasyndaǵylardyń bizge bergen túsiniktemesinde sharýalardyń suraǵan qarjylary belgilengen qarjyǵa sáıkes kelmegen. Biz óz tarapymyzdan qarjynyń ıgerilmeýine baılynysty qyzmettik hat joldadyq», - dedi Janar Kerimbekova.

Aıta keteıik, búgin Almaty oblystyq máslıhat depýtattary «Jergilikti bıýdjetterdi qalyptastyrý, bekitý, naqtylaý jáne oryndaý» oryndaý taqyryby boıynsha onlaın semınar keńes ótkizdi. Jıynǵa oblystyq ekonomıka jáne bıýdjetti josparlaý men qarjy basqarmasynan baıandamashylar qatysty.