Almaty oblysynda sý basqan aýyldyń kópirin de shaıyp ketti
TALDYQORǴAN. QazAqparat - Almaty oblysynda sý basqan aýyldyń kópirin de shaıyp ketti. Qazir Áýlıeaǵash aýylyndaǵy kópirdi qaıta qalpyna keltirý jumystary júrip jatyr, dep habarlaıdy QazAqparat tilshisi.
"Áýlıeaǵash aýylyndaǵy Býraqojyr ózeni arqyly ótetin kópirdi shaıyp ketti. Ol ótkel ýaqytsha ornatylǵan eken. Óıtkeni eki jyl buryn, dál osy kópirdi sý shaıǵan. Qalpyna keltirý jumystary júrip jatyr. Keshke deıin aıaqtalady dep josparlanýda, - dedi Almaty oblystyq TJD-niń resmı ókili Azamat Jurtbaev.
TJD málimetinshe, qazir halyq aınalma jol arqyly qatynap jatyr.
Esterińizge sala keteıik, 25 mamyr kúni Panfılov aýdanyndaǵy Áýlıeaǵash jáne Kóktal aýyldarynda qatty jaýyn jaýdy. Saldarynan Kóktal aýylynda 11 úıdi, 46 aýlany al, Áılıeaǵashta 7 aýlany jáne 1 úıdi sý basqan. Qazir aımaqta tótenshe men jergilikti bılik ókilderi qalpyna keltirý jumystaryn júrgizip jatyr.
