Almaty oblysynda stend atýdan VII halyqaralyq týrnır ótedi
ALMATY. Maýsymnyń 22-si. QazAqparat /Erlik Erjanuly/ - Maýsymnyń 23-28-i kúnderi Almaty oblysy Іle aýdany Baıserke kentindegi Aleksandr Asanov atyndaǵy atqyshtar klýbynda stend atýdan VII halyqaralyq týrnır ótedi.
Bul baıraqty saıys KSRO sport sheberi, Álem jáne Eýropa chempıony Aleksandr Asanovty eske túsirýge arnalyp otyr. Onyń uıymdastyrýshylary - Týrızm jáne sport mınıstrligi, QR Stendtik jáne tájirıbelik atý federatsııasy men Aleksandr Asqarov atyndaǵy atqyshtar klýby. Dástúrli túrde jyl saıyn ótetin jarysqa bıyl Qazaqstan, Ózbekstan, Qyrǵyzstan men Reseıden 100 shaqty mergen qatyspaq. Olarǵa ulttyq jáne halyqaralyq dárejedegi tóreshi, KSRO-nyń halyqaralyq dárejedegi sport sheberi, Qazaqstanyń qurmetti sport qaıratkeri, KSRO Qarýly kúshteriniń birneshe dúrkin chempıony, KSRO Kýbogynyń ıegeri Vladımır Berdov bastaǵan qazylar alqasy tórelik jasaıdy.
