Almaty oblysynda sottalǵandar jaqyndarymen onlaın kezdese bastady
TALDYQORǴAN. QazAqparat - Elimizde jarııalanǵan tótenshe jaǵdaıǵa baılanysty Almaty oblysyndaǵy barlyq túzetý mekemelerinde karantın jarııalanǵan. Sondyqtan jazasyn óteýshiler óz týystarymen onlaın baılanys arqyly shyǵyp, kezdesýge múmkindik aldy, dep habarlaıdy QazAqparat tilshisi.
Koronovırýstan qorǵanýdyń birden bir joly – qashyqtyqtan baılanys ornatý. Bul rette Almaty oblysy boıynsha qylmystyq atqarý júıesi departamenti alǵashqylardyń biri bolyp saqtyq sharalaryn qolǵa aldy. Olar onlaın kezdesý ótkizdi. Qapshaǵaı qalasyna qarasty Zarechnyı aýylyndaǵy LA 155/8 memlekettik mekemesinde 50-den astam sottalýshylar týystarymen, jubaılarymen beınebaılanysqa shyǵyp, balalarynyń júzderin kóre otyryp sóılesti.
«Álemdi jaılaǵan indet COVID-19 pandemııasyn biz de estip, bilip otyrmyz. Osy koronavırýstan otbasymyz ben aǵaıyn-týystyń amandyǵyn tilep, júzderin kórýdi kóp oılaıtyn edik. Búgin mine, sol armanymyz oryndalyp, beınebaılanys arqyly sóılesip, betterin kórip, kóńilimiz ornyqty», - dep birqatar sottalýshylar departament basshylyǵyna alǵystaryn bildirdi.
