Almaty oblysynda soǵys ardagerlerine arnalǵan 100-den asa eskertkish jóndeledi

TALDYQORǴAN. QazAqparat – Almaty oblysynda Ekinshi dúnıejúzilik soǵys ardagerlerine arnalǵan 237 eskertkish bar. Bıylǵy josparǵa saı onyń 114-ine aǵymdaǵy jóndeý jumystary júrgiziledi, dep habarlaıdy QazAqparat tilshisi.

Bul maqsatqa oblystyq bıýdjetten 150 mln teńge bólingen. Kóktemniń alǵashqy onkúndiginde barlyq aýdandarda jóndeý jumystary bastalady dep josparlanýda. Máselen, Kóksý aýdanynda jóndeýdi qajet etetin 5 eskertkish bar. Sonyń biri Zylıha Tamshybaeva aýylynda ornalasqan. Ol 1982 jyly turǵyzylǵan. 2014 jyly qaıta qalpyna keltirý jumystary júrgizilip, soǵysqa qatysqandardyń esimderi jazylǵan eki mármár taqta ornatyldy. Al, bıylǵy jóndeý jumystary kezinde eskirgen jerleri qaıta jańartylady. Oǵan 1 mln 600 myń teńge qarajat bólingen.

Almaty oblystyq tarıhı mádenı murany qorǵaý ortalyǵynyń aqparatyna sáıkes, aǵymdaǵy jóndeýdi qajet etetin eskertkishterdiń kóbi Alakól aýdanynda ornalasqan. Aıdyndy ólke turǵyndary bolsa, bıyl 10 birdeı eskertkishke jóndeý júrgizý usynysyn bildirip otyr.

Aıta keteıik, Almaty oblysyna qarasty 750-ge jýyq aýyl bar.