Almaty oblysynda soǵys ardagerlerine 1 mln teńgeden beriledi

TALDYQORǴAN.QazAqparat - Jeńis merekesiniń 76 jyldyǵyna oraı Almaty oblysynda Otan soǵysy ardagerleri men múgedekteriniń árqaısysyna 1 mln teńgeden bir rettik materıaldyq kómek beriledi. Ol úshin oblystyq bıýdjetten 41 mln teńge bólindi, dep habarlaıdy QazAqparat tilshisi oblys ákiminiń baspasóz qyzmetine silteme jasap.

Oblystyq jumyspen qamtýdy úılestirý jáne áleýmettik baǵdarlamalar basqarmasynyń dereginshe, 2021 jylǵy 1 sáýirdegi málimet boıynsha óńirde 41 soǵys ardageri turady. Onyń 24-i — qatysýshy, 17-si — UOS múgedegi. Jeńistiń 76 jyldyǵyna oraı olardyń árqaısysyna 1 mln teńgeden materıaldyq kómek berý úshin oblystyq bıýdjetten 41,0 mln teńge qarjy bólindi.

Sonymen qatar Otan soǵysyndaǵy Jeńiske úles qosqan 15 sanattaǵy ardagerlerge de 30 myń, 60 myń, 100 myń teńge kóleminde bir rettik tólem berý josparlanǵan. Jalpy, sol 15 sanattaǵy azamattarǵa 9 mamyrǵa oraı bir rettik materıaldyq kómek berýge 328,2 mln teńgeden astam soma qaralyp, 8718 adamdy qamtý josparlanǵan.