Almaty oblysynda sırek kezdesetin sibir taý eshkisi fototuzaqqa túsip qaldy
ALMATY. QazAqparat – Almaty oblysyndaǵy «Altynemel» ulttyq parkinde sibir taý eshkisi fototuzaqqa túsip qaldy, dep habarlaıdy QazAqparat tilshisi.
Onyń vıdeosy «Altynemel» tabıǵı parkiniń Instagram -daǵy paraqshasynda jarııalandy.
Sibir taý eshkisi ejelden ulttyq parktiń Sholaq, Degeres jáne Mataı taýlaryn mekendeıdi. 2021 jyly onyń sany 2800 bastan asty.
«Fototuzaqqa tekesi túsip qaldy. Vıdeodan onyń semser tárizdi 1 metrdeı múıizin kórýge bolady»,- delingen áleýmettik jelidegi paraqshada.
Buǵan deıin Qazaqstannyń Qyzyl kitabyna engen Tıan-Shan qońyr aıýy fototuzaqqa túsip qalǵan bolatyn.
Sonymen qatar qar barysynyń urǵashysy jáne onyń bir jasar alany «Kólsaı kólderi» ulttyq tabıǵı parkiniń beınetuzaǵyna ilingen edi.
