Almaty oblysynda sıntetıkalyq esirtkini nasıhattaǵan nashaqor ustaldy
Ustalǵan 40 jastaǵy azamat buǵan deıin de esirtki taratqany úshin 5 jylǵa sottalyp, jazasyn ótegen.
Ol profılaktıkalyq tizimde nashaqor retinde tirkeýde tur.
6 qyrkúıek kúni Іle aýdanynda esirtkige qarsy «Dopıng» profılaktıkalyq sharasy ótti. Negizgi baǵyty - sıntetıkalyq esirtkiniń qoǵamdyq orynda nasıhattalýyna jol bermeý.
«Іzdeý barysynda 40 jastaǵy Almaty qalasynyń turǵyny ustaldy. Ol úılerdiń qaqpasyna, qoǵamdyq jerlerge sıntetıkalyq esirtkini jarnamalap, túrli saıttar arqyly tabys tabýǵa shaqyrǵanyn moıyndady» delingen Almaty oblystyq polıtsııa departamentiniń baspasóz qyzmeti taratqan habarlamada.
Tintý kezinde onyń páterinen aerozol boıaýlary, jarnama zattary tárkilendi.
Qazir bul fakti boıynsha QR QK 299-baby 1-bóligi 1-tarmaǵyna sáıkes sotqa deıingi tergeý bastaldy.
