Almaty oblysynda shyrt uıqyda jatqan otbasy baqılyq bola jazdady
TALDYQORǴAN.QazAqparat - Almaty oblysynda ystan ýlanǵan 10 adam aýrýhanaǵa tústi. Onyń altaýy balalar, dep habarlaıdy QazAqparat tilshisi.
Oqıǵa 6-shy qańtar kúni Eńbekshiqazaq aýdanyndaǵy Shelek aýylynda bolǵan. Peshten aqaý shyǵyp, shyrt uıqyda jatqan otbasy ystan ýlanǵan.
Oblystyq TJD baspasóz qyzmetiniń ókili Azamat Jurtbaevtyń aıtýynsha, qazir dárigerlerdiń kómegine júgingen otbasy músheleriniń barlyǵy aýrýhanadan shyqqan. Jalpy bir ǵana Almaty oblysynnyń ózinde jylytý maýsymy bastalǵaly 22 adam ystan ýlanyp, 3 adam kóz jumǵan.
«Adamdardyń ýlanýynyń negizgi sebepteri peshterdi durys ornatpaý jáne paıdalaný kezinde erejelerdi buzǵandyqtan jáne ýaqtyly tútindikterdi tazalamaǵandyqtan bolady. Ot jaǵatyn jerdiń aldyndaǵy edenge 50h70 sm. quraıtyn peshaldy metaldan jasalǵan qańyltyrdyń qaǵylýy qajet jáne janyp jatqan peshti qaraýsyz qaldyrǵan óte qaýipti» - dep málim etti Almaty oblystyq TJD Órt qaýipsizdigi salasyndaǵy baqylaý jáne profılaktıkalyq qyzmet basqarmasy.
Departamenttegilerdiń málimetinshe, Almaty oblysynyń aýmaǵynda 2017 jyldyń 12 aıynda 181 mln. 106 myń. teńge materıaldyq shyǵynǵa batyrǵan 1 964 órt tirkelgen. 26 adam qyzyl jalynnyń qurbany boldy. 40 adam jaraqat alǵan.
