Almaty oblysynda shomylýǵa ruqsat etilgen 11 oryn anyqtaldy
TALDYQORǴAN. QazAqparat - Almaty oblysy ákiminiń qaýlysymen 2019 jylǵa shomylýǵa ruqsat etilgen 11 oryn anyqtaldy. Olardyń qatarynda Alakól, Balqash kóli, Qapshaǵaı sý qoımasy syndy iri jaǵajaılar bar, dep habarlaıdy QazAqparat tilshisi.
Shomylýǵa ruqsat etilgen jaǵajaılar tizimi:
- Taldyqorǵan qalasyndaǵy Qaratal ózenindegi qalalyq jaǵajaı; Alakól aýdanyndaǵy Alakól kóliniń jaǵalaýyndaǵy jaǵajaılar (Aqshı aýyly); Sarqan aýdanyndaǵy Balqash kóli jaǵalaýynyń jaǵajaılary (Lepsi aýyly); Tekeli qalasyndaǵy ashyq júzý basseıni; Qapshaǵaı sý qoımasynyń ońtústik-batys jaǵalaýyndaǵy jeti jaǵajaı.
Aıta ketý kerek Almaty oblysynyń qalǵan jabdyqtalmaǵan barlyq sý aıdyndary qaýipti bolyp sanalady jáne olarda shomylýǵa tyıym salynady.
Sondaı-aq jazataıym oqıǵalardan qorǵaý úshin Tótenshe jaǵdaılar departamenti oblys azamattaryn sýdaǵy qarapaıym qaýipsizdik erejelerin saqtaýǵa shaqyrady. Mamandardyń aıtýynsha, adamdar tek jabdyqtalǵan jaǵajaılarda jáne sýǵa shomylý úshin arnaıy ruqsat jáne qutqarý qyzmeti bar jerlerde shomylý kerek. Sonymen qatar túnde, mas kúıde shomylýǵa bolmaıdy. Qaıyqtan, katerlerden jáne basqa da júzý quraldarynan sýǵa sekirmeý kerek, kópirlerden, bógetterden, aılaqtardan da sýǵa sekirý qaýipti.
Balalardy úlkenderdiń qaraýynsyz jaǵada qaldyrmaý kerek.
Aıta keterligi, jaǵalaýdan alysqa, sondaı-aq qorshaý belgilerinen (býılerden) júzýge bolmaıdy, jeldiń, tolqynnyń, qatty jańbyrdyń jáne t. b. kúsheıýi týraly daýyldy habarlamalardyń habarlandyrýlary kezinde shomylý qaýipti.
