Almaty oblysynda shomylý maýsymy bastalǵaly 37 adam sýǵa ketti
TALDYQORǴAN. QazAqparat - Almaty oblysy aýmaǵyndaǵy ózen-kólder men toǵandarda shomylý maýsymy bastalǵaly 37 adam sýǵa aǵyp ketti. Olardyń 17-si bala, dep habarlaıdy QazAqparat tilshisi.
Bul ótken jylǵy osy merzimmen salystyrǵanda 5 adamǵa az. Degenmen saıabyrsýǵa ýaqyt joq deıdi qutqarýshylar. Sondyqtan sýda qutqarý qyzmetiniń jumys qarqyny kúsheıtilgen. Balqash kóliniń jaǵalaýynda 14 qutqarýshy úsh aýysymda jumys isteıdi. Jaǵajaıdyń 25 shaqyrymyn birneshe retten sholyp ótip, demalýshylarǵa sýǵa túsý erejeleri jazylǵan eskertpe paraqshalaryn taratyp, qulaqqaǵys jasap otyrady.
Sarqan óńirlik sýda qutqarý qyzmetiniń basshysy Talǵat Ahmethanovtyń aıtýynsha, qutqarýshy mamandyǵynyń ózindik qyzyq ta qıyn tustary bar. Osy salada 40 jyldan astam eńbek ótili bar bilikti maman úshin eń aýyry qaıǵyly aqparatty birinshi bolyp aıtý.
«Eń bizdiń jumystaǵy aýyry qaıǵyly habardy aǵaıynǵa jetkizý. Ne isterińdi bilmeısiń. Ne aıtaryńdy bilmeısiń. Senen bir jaqsy habar kútedi. Biraq keıbir jaǵdaılarda amal ne? Biraq sol qaıǵyly jaǵdaıdyń kóbisi adamnyń ózine jaýapsyz qaraǵanynan», deıdi ol.
