Almaty oblysynda shilde aıynda kólik apatynan 43 adam kóz jumdy
TALDYQORǴAN. QazAqparat - Almaty oblysynyń avtojoldarynda 11 myńnan astam júrgizýshi kóliktiń jyldamdyǵyn asyrǵan, dep habarlaıdy QazAqparat tilshisi.
Almaty oblysynda polıtseıler «Qaýipsiz jol» is-sharasy aıasynda júrgizýshiler men jaıaý júrginshiler arasynda jol júrý erejelerin óreskel buzǵandardy anyqtady.
«Respýblıkalyq jáne jergilikti mańyzy bar avtojoldardy baqylaý turaqty túrde jalǵasýda. Jol erejesin buzǵandardyń basym bóligi kóliktiń jyldamdyǵyn asyrǵan. 6 aıda osyndaı 11520 fakti anyqtaldy. Jyldamdyqtyń artýy, qarama-qarsy qozǵalys jolaǵyna shyǵý kóbinese jol kólik oqıǵasynyń basty sebebi bolyp otyr»,- dep málimdedi Almaty oblysy ІІD baspasóz qyzmeti.
Vedomstvonyń aqparatyna sáıkes, shilde aıynda óńirdiń avtojoldarynda 95 jol-kólik oqıǵasy tirkelip, 43 adam qaza taýyp, 140 adam jaraqat alǵan.
«Qaıǵyly oqıǵalardyń aldyn alý maqsatynda polıtsııa bólimsheleriniń qyzmetkerleri jumysty kúsheıtti. Tártip saqshylar »jol eshqashan qatelikti keshirmeıdi« degen qaǵıdany eske salady», - dep atap ótti óńirdiń polıtseıleri.
