Almaty oblysynda sheteldik týrıster mingen kólik balshyqqa batyp qaldy
TALDYQORǴAN. QazAqparat - Almaty oblysynda sheteldikterdiń kóligi batpaqqa batyp qaldy. Aǵylshyn, frantsýz, koreı, ıspan elderiniń ókilderine tótenshe jaǵdaı qyzmetkerleri kómekke keldi, dep habarlaıdy QazAqparat tilshisi.
Týrıster Jambyl aýdanyndaǵy «Tańbaly» tabıǵı qoryǵyna barar jolda kólikteri batpaqqa batyp, jolda qalǵan. Qutqarý qyzmetiniń mamandary oqıǵa ornyna der kezinde jetkenimen, avtobýsty balshyqtan shyǵara almady. Kelesi kúni 19 saıahatshy Qazaqstan-Qyrǵyzstan shekara aımaǵyna jetkizilgen. Olar ózderiniń saıahatyn ary qaraı jalǵastyratyn bolady. Al kóligi sazǵa batqan sheteldik júrgizýshi temir tulparymen oqıǵa ornynda qaldy. Al Almaty oblystyq TJD baspasóz qyzmetindegiler týrıstiń kóligin shyǵarý úshin búgin arnaıy mamandar sol mańǵa ketkenin jetkizdi. 
