Almaty oblysynda shetel azamaty jaldamaly páterdi tonap, eline qashqan
TALDYQORǴAN. QazAqparat - Almaty oblysynda Tájikstan azamaty jaldap turǵan páterinen 1 mıllıonnan astam teńge jáne baǵaly zattardy urlap, otanyna izin sýytqan, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, 2019 jyldyń naýryz aıynda Qarasaı aýdanynyń Polıtsııa basqarmasyna sol aýdannyń 37 jastaǵy turǵyny aryzdanǵan. Ol 1 mıllıon teńgeden astam aqshasy men jeke zattarynyń urlanǵanyn jetkizgen. Atalǵan fakti QR QK-niń 188-baby 2-bóliginiń 3-tarmaǵy boıynsha tirkeldi. Polıtsııa qyzmetkerleri oqıǵa ornyna shyǵyp, kúdikti páterge kiltti tańdaý arqyly kirgenin anyqtady. Sol páterdi jaldap turǵan Tájikstannyń 29 jastaǵy azamaty tártip saqshylarynyń kúdigin týdyrǵan. Ol dereý oqıǵa ornynan izin sýytqan.
Alaıda, kashqyn ustaldy. Ol jaqynda Qazaqstanǵa oralyp, Nur-Sultan qalasyndaǵy qurylys nysandarynyń birinde jaldanyp jumys isteı bastaǵan. Urlyq umytylǵan dep oılaǵan.
Kúdikti mıllıon teńge jáne qalǵan múlikterdi urlaǵanyn moıyndady. Qylmys jasaǵannan keıin otany - Tájikstanǵa baryp, aqshany jeke qajettilikterine jumsaǵan.
Tergeý sýdıasy sotqa deıingi tergeý kezeńinde ony qamaýǵa alý túrindegi bultartpaý sharasyn sanktsııalady. Tergeý aıaqtalýǵa jaqyn.
