Almaty oblysynda shetel azamaty ózgeniń kóligin urlap, jol apatyn jasady
TALDYQORǴAN. QazAqparat - Almaty oblysynyń Esik qalasynda ózgeniń kóligin urlap, jol apatyn jasady degen kúdikpen sheteldik azamat ustaldy, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe, túngi saǵat 02:00 shamasynda Eńbekshiqazaq aýdanynyń polıtsııasyna Esik qalasynda bolǵan qos jol-kólik oqıǵasy týraly habar tústi. Sondaı-aq tártip saqshylaryna telefon shalǵan 19 jastaǵy jergilikti turǵyn «Volkswagen Golf» markaly kóligi qoldy bolǵanyn jetkizgen.
«Kúdikti azamat oqıǵa ornynda qolǵa tústi. Ol Eńbekshiqazaq aýdanynda tirkeýde turǵan Ózbekstan eliniń 34 jastaǵy azamaty bolyp shyqty. Kúdiktiniń ishimdik iship, bóten kólikti urlap, jol boıyndaǵy ózge eki kólikti soqqany belgili boldy. Saldarynan kólik júrgizýshileri dene jaraqattaryn aldy, avtokólikterine de aıtarlyqtaı nuqsan kelgen», - dedi Eńbekshiqazaq aýdany Polıtsııa basqarmasynyń tergeýshisi Maqsat Jaqsylyqov.
Qazirgi ýaqytta kúdikti mekenjaıyn ózgertpeý týraly mindettememen bosatyldy. Osy derek boıynsha qoldanystaǵy qylmystyq zańnamanyń 200-babynyń 1-bóligimen qatar, QR Qylmystyq kodeksiniń 346-babynyń 2-bóligi jáne QR ÁQbK 608-babyna sáıkes is qozǵaldy.
