Almaty oblysynda shet el azamatyn óltirgen qylmystyq top ustaldy
TALDYQORǴAN. QazAqparat – Almaty oblysynda 6 adamnan turatyn qylmystyq top ustaldy, dep habarlaıdy QazAqparat tilshisi.
Almaty oblystyq Polıtsııa departamenti baspasóz qyzmetiniń málimetinshe,
ustalǵandardyń bári Talǵar aýdandyq polıtsııasynyń ýaqytsha oqshaýlaý ızolıatoryna qamaldy. Toptyń úlkeni 30, kishisi 24 jasta. Eshqaısysy buryn isti bolmaǵan. Kúdiktilerdiń 20 jastaǵy Ózbekstan azamatynyń ólimine qatysy bar ekeni jáne Talǵar aýdanynda 2 dúkendi tonaǵany dáleldenip otyr.
Barlyq 3 fakti Keńdala aýyldyq okrýginde tamyzdyń sońy men qazan aıynyń basynda tirkelgen. Aıǵaq zat retinde jábirlenýshini atqan sholaq myltyq tárkilendi.
«Bul is qurylym basshylyǵynyń jeke qadaǵalaýyna alyndy. Sondaı-aq kisi óltirý deregine toptaǵy 4 azamatynyń qatysy bar ekeni jáne qaraqshylyq shabýylǵa 2-3 adamnan qatysyp otyrǵany anyqtaldy. Shabýyl kezinde arnaıy betperde kıip otyrǵan. Eki qaraqshylyq deregi boıynsha 1975 jáne 1977 jyly týǵan dúken satýshylary kýáger bolyp otyr. «Qylmystyq toptyń basqa da osyǵan uqsas qylmystarǵa qatysynyń bar joǵy anyqtalyp jatyr», dep tolyqtyrdy atalǵan vedomstvonyń baspasóz qyzmeti.
