Almaty oblysynda shekteý sharalary jeńildedi

TALDYQORǴAN. QazAqparat – Almaty oblysynda óńirdiń bas memlekettik sanıtarııa dárigeriniń kezekti qaýlysy shyqty, dep habarlaıdy QazAqparat tilshisi.

Qabyldanǵan qujatqa sáıkes, 11 aqpannan bastap shekteý sharalary jeńildeıdi.

Onyń ishinde, meshitterde namaz oqýǵa ruqsat beriledi. Biraq meshit zalynda 30% - 100 adamnan artyq jınalýǵa bolmaıdy.

«Juma namazy aýyldy jerlerde ǵana ruqsat etiledi, biraq 150 oryndyq meshitterdiń 25%-y ǵana tolýy kerek. Jeksenbi kúni saýda ortalyqtary, saýda oıyn-saýyq ortalyqtary, bazarlar, saýna, SPA-ortalyqtardyń jumys isteýine bolady. Qoǵamdyq tamaqtaný oryndarynyń (meıramhana, dámhana, bar, ashana) jumysy jalǵasady, biraq 50 orynnan artyq emes jáne ǵımarat ishi 50%-dan artyq tolmaýy kerek» delingen jarlyqta.

Sondaı-aq, qarbalas ýaqytta aıaldama men qoǵamdyq kólikte adamdar toptasyp qalmas úshin memlekettik mekemeler, organdar men uıymdar eńbek zańnamasyna sáıkes dıfferentsıalyq jumys kestesin engizýi qajet.

«Jumysshylarynyń sany 250 adamnan asatyn iri kásipkerlik sýbektileri, memlekettik mekemeler, organdar men uıymdar jumys ýaqyty bitken soń jolaýshylardy tasymaldaý úshin qyzmettik avtokólik paıdalanǵany abzal» delingen óńirdiń sanıtarııa dárigeriniń qujatynda.