Almaty oblysynda shekteý rejımine ózgerister engizildi
TALDYQORǴAN. QazAqparat- Almaty oblysynda shekteýli rejımge ózgerister engizildi. Bul úshin arnaıy 5-shi qaýly qabyldandy, - dep habarlaıdy QazAqparat tilshisi.
Qaýlydaǵy jańa ózgeriske sáıkes, Taldyqorǵandaǵy tehnıkalyq jóndeý ortalyǵy, qosalqy bólshek jáne qurylys zattaryn satý dúkenderi búgin tańǵy saǵat 8.00-den bastap qaıta jumystaryn jalǵastyrdy. Mundaı dúkender saýdasyn tutyný úshin turǵyndar arnaıy tapsyrys berý qajet. Keıin qajettisin alý úshin ǵana ortalyqqa barady. Taǵy jergilikti halyq suranysymen et pavılondary jumys isteıdi.
«Jumystar dalada uıymdastyrylady. Sondyqtan biz ruqsat berip otyrmyz. Kóktemgi egis jumystaryna, daladaǵy jol jóndeý jumystaryna. Memlekettik nysandarǵa, qurylys nysandaryna ruqsat berip otyrmyz. Ol jerlerde sanıtarlyq dezınfektsııa rejımi saqtalatyn bolady. Odan basqa taǵy suraqtar boldy dárihanalarǵa qatysty. Endi dárihanalarǵa táýlik boıy jumys isteýge ruqsat berdik», - dedi Almaty oblysynyń bas memlekettik sanıtarlyq dárigeri Qaırat Baımuhambetov.
