Almaty oblysynda sharýalar qant qyzylshasynyń tuqymyn seýip jatyr
TALDYQORǴAN. QazAqparat - Almaty oblysy, Kóksý aýdanynyń sharýalary qant qyzylshasynyń tuqymyn sebýdi jalǵastyrýda. Bıyl aýdan dıqandary 2 myńǵa jýyq gektarǵa tátti túbir egýdi josparlap otyr.
Keńdala sharýa qojalyǵynyń 18 dana tehnıkasy egis alqabyna shyqty. Sharýalar byltyrǵydan da molyraq ónim alýdy josparlap otyr. Oǵan kún raıy da qaraılasyp tur deıdi, alqaptardy aralaǵan aýdan ákimi Almas Ádil.
Qazirgi tańda «Balpyq», «Qydyráli» jáne «Qaınar-Kóksý» syndy iri sharýashylyqtar qant qyzylshasyn sebý jumystaryn tolyq aıaqtady. Aýdan boıynsha jalpy búgingi kúnge deıin 1880 ga jerge qant qyzylshasy sebildi. Ónimdi óndirýge deıingi tuqym alý, arzandatylǵan baǵamen janar-jaǵarmaı alý, tehnıkamen qamtý, qyzylsha sebý men ony kútip-baptap, jınaqtap zaýytqa ótkizýge deıingi jumystar únemi baqylaýda bolady.
Jalpy Almaty oblysynda ótken jyly qant qyzylshasynyń alqaby 9 myń gektarǵa jetkizilip, 363 myń tonna ónim jınaldy, odan 31 myń tonna taza qant óndirildi.
