Almaty oblysynda sharýa qojalyǵynyń ıesi arystan asyrap kelgen
TALDYQORǴAN. QazAqparat - Almaty oblysynda sharýa qojalyǵy ıesiniń arystan asyrap jatqany anyqtaldy, dep habarlaıdy QazAqparat tilshisi.
Almaty oblystyq polıtsııa departamenti baspasóz qyzmetiniń málimetinshe, 8 aqpan kúni Talǵar aýdanynyń polıtsııa basqarmasyna habarlama kelip túsken.
Ol jerde Besqaınar aýdanyndaǵy sharýa qojalyqtyń birinde arystan bar ekeni habarlanǵan.
Tártip saqshylary shaǵym boıynsha belgilengen mekenjaıdy tekserýge barǵanda aqparat rastalǵan.
Arystan kólemi 5×10 metrlik qorshaýǵa qamalǵan.
Ańnyń ıesi - Almaty qalasynyń 28 jastaǵy turǵyny.
Polıtseıler jyrtqysh ańdy zańsyz ustaý baby boıynsha atalǵan faktini tirkedi.
Janýar aldaǵy ýaqytta bir jerge ornalastyrylǵansha arnaıy qolhatpen ıesiniń qolynda bolady.
