Almaty oblysynda Senat depýtattyǵyna eń kóp daýysty Janbolat Jórgenbaev jınady

TALDYQORǴAN. QazAqparat – Búgin, 22 sáýir Taldyqorǵan qalasynyń mádenıet saraıynda QR Parlamenti Senatynyń depýtattyǵyna kandıdatty saılaý ótti. Halyq qalaýlylary basym daýysty Janbolat Jórgenbaevqa berdi, - dep habarlaıdy QazAqparat tilshisi.

Senat depýtattyǵyna eki úmitker qatysty.

Olar Almaty oblystyq máslıhatynyń depýtaty Gúlmıra Ahmetova jáne Almaty oblystyq máslıhatynyń hatshysy Janbolat Jórgenbaev.

«Saılaýǵa Almaty oblysynyń barlyq deńgeıdegi máslıhat depýtattary qatysty. 346 depýtattyń 47-i G. Ahmetovaǵa, 294-i J. Jórgenbaevqa daýys berdi. Al 5 halyq qalaýlysy eki kandıdatqa da daýys bermedi»,- dedi Almaty oblystyq saılaý komıssııasynyń tóraǵasy Tımýr Dáýitov.

Saılaý qorytyndysyna sáıkes, Janbolat Jórgenbaev QR Parlamenti Senatyna Almaty oblysy atynan depýtat bolyp barady.

Saılaý hattamasy Ortalyq saılaý komıssııasyna joldanady.