Almaty oblysynda sarbazdyń áskerı qyzmetten qashý faktisi boıynsha qylmystyq is qozǵaldy
ASTANA. QazAqparat - QR Ulttyq qaýipsizdik komıteti Shekara qyzmetiniń Almaty oblysyndaǵy áskerı bóliminiń qysqa merzimdi qyzmeti sarbazynyń qashý faktisi boıynsha qylmystyq is qozǵaldy. Bul týraly Qazaqstan Bas áskerı prokýratýrasynyń baspasóz qyzmetinen habarlady.
«Atalmysh fakti boıynsha QR QK 255-baby 4-bóligi (qarýdy, oq-dárini, jarylǵysh zattar men jarý quraldaryn urlaý ne qorqytyp alý) boıynsha qylmystyq is qozǵaldy. Qazirgi ýaqytta tergeý amaldary júrgizilýde. Sarbazǵa izdestirý jarııalandy», - dep habarlady vedomstvo baspasóz qyzmetinen.
Eske sala keteıik, 18 qyrkúıek kúni tańerteń Almaty oblysynda 1 sarbaz qashyp ketken edi. Ol qyzmet etken 2177 áskerı bólimi - QR UQK Shekara avıatsııalyq polki.
