Almaty oblysynda salynyp jatqan ekiqabatty dúken órtenip ketti
TALDYQORǴAN. QazAqparat - Almaty oblysy Talǵar aýdanynda salynyp jatqan dúken otqa orandy.Bul týraly QazAqparatqa QR ІІM Tótenshe jaǵdaılar komıtetinen habarlady.
«11 jeltoqsanda saǵat 19: 18-de órtke qarsy qyzmet pýltine Almaty oblysyTalǵar aýdany Tuzdybastaý aýylyndaǵy ekiqabatty dúkenniń órtenip jatqandyǵy týraly habar tústi. Jańadan salynyp jatqan qurylys nysanynyń 400 sharshy metrin jalyn sharpyǵan. Oqıǵa ornyna 25 shaqyrym jerde ornalasqan Almaty oblysy TJD órt sóndirý qyzmeti órt sóndirý bólimshesiniń 6 qyzmetkeri men eki tehnıkasy tartyldy», -dep atap ótilgen habarlamada.
Tilsiz jaý 20:36-da aýyzdyqtalyp, 20:53-da tolyqtaı sóndirildi. Qaza tapqandar men zardap shekkender joq. Órt sebepterin anyqtaý jumystary júrip jatyr.
