Almaty oblysynda salyqtan 367,6 mln teńge jaltarǵan kásipker sottaldy
«Tekserý qorytyndysy boıynsha kásiporynnyń shegerimderinen jeke tulǵalar men kontragentter boıynsha tólengen 1,8 mlrd teńgeniń ústine 367,6 mln shyǵys qaıta esepteldi. Bul buryn azaıtylǵan salyq esebinen alyndy. Sondaı-aq, «Rybprom» JShS-niń salyq tóleýden jaltarǵany týraly sotqa deıingi tergeý bastaldy. Kásiporyn basshylyǵynyń tekserý qorytyndylaryn daýlaý áreketi sátsiz aıaqtalyp, oblystyń ekonomıkalyq soty ol shaǵymdy oryndaýdan bas tartty», - dep jazdy Almaty oblysy prokýratýrasynyń baspasóz qyzmeti.
Prokýratanyń deregi boıynsha, ekonomıkalyq tergeý departamenti kásiporynnyń ómirde joq kontragent-kásipkerlermen «saýda jasaǵanyn» dáleldedi. Naqtyraq aıtsaq, álgi kontragent-kásipkerlerdiń menshiginde negizgi soma da, jumys kúshi de, materıaldyq-tehnıkalyq baza joq ekeni anyqtalǵan. Al shot-faktýralarǵa bógde tulǵalar qol qoıyp otyrǵan.
Sondaı-aq, Joǵarǵy sot kásiporyn dırektoryn aqtaý týraly úkimniń kúshin Bas prokýratýranyń qarsylyǵy negizinde joıǵan. Osylaısha Almaty oblystyq sotynyń sot alqasynyń 2022 jyldyń 29 jeltoqsanyndaǵy úkimimen kásiporyn dırektory QR Qylmystyq kodeksiniń 245-babynyń 3-bóligi boıynsha kináli dep tanylyp, 3 jyl 4 aı merzimge memlekettik mekemeler men kommertsııalyq uıymdarda basshylyq jáne materıalǵa jaýapty qyzmetterde jumys isteý quqyǵynan aıyryldy.
Al jergilikti memlekettik kirister basqarmasy sot úkimin negizge ala otyryp, salyqtan jaltardy delingen 367,6 mln teńge men onyń ósimpulyn memleketke qaıtarý sharalaryn bastady.
