Almaty oblysynda respýblıkalyq mańyzy bar jol jabyldy
TALDYQORǴAN. QazAqparat - Almaty oblysynda respýblıkalyq mańyzy bar jol jabyldy. Altyn-Emel asýy mańynda qatty jel soǵyp, jol kórinbeıdi, dep habarlaıdy QazAqparat tilshisi.
«Búgin saǵat 11:30 da «Saryózek-Kóktal» tas jolynyń 45-65 shaqyrym aralyǵynda jol jabyldy. Altyn-Emel asýynyń mańy burqasynnan jol kórinbeıdi. Tabıǵattyń qolaısyzdyǵyna baılanysty jolaýshylar osy baǵyt boıynsha saparlaryn keıinge shegerse dep suraımyz», - dep jarııalanǵan oblystyq ІІD-niń baspasóz qyzmeti taratqan habarlamada.
Aıta ketý kerek, jeltoqsannyń 26-nan 27-ne qaraǵan túni Taldyqorǵanda da ekpini kúshti jel soqty. Aǵashtar synyp, eki jerde elektr symdary úzilgen. Keıin qala ákiminiń baspasóz hatshysy Danııar Janys úılerge jaryq qosylǵanyn málim etti.
