Almaty oblysynda respýblıkalyq mańyzy bar tasjolda sel júrdi
ALMATY. QazAqparat - Uıǵyr aýdanynda tolassyz jaýǵan jańbyr saldarynan respýblıkalyq mańyzy bar «Aqsaı-Shonjy» tasjolynyń 12-shi shaqyrymynda sel júrdi, dep habarlaıdy QazAqparat tilshisi.
Almaty oblystyq Tótenshe jaǵdaılar departamentiniń málimetinshe, sel 12 shilde kúni keshki saǵat 17:19 shamasynda júrgen.
«Joldyń bul bóliginde ótý bir jolaqta júzege asyrylyp jatyr. Laı-tas massasynyń jalpy kólemi 10 tekshe metr. Sondaı-aq, tasjoldyń 18 -19 shaqyrymyn qatty jaýǵan jaýyn sýy shaıyp ketti. Bul aımaqtarda jol belgileri ornatyldy»,- dep habarlady departamentten.
Dereý joldy qalpyna keltirý jumystary júrgizilip, 13 shilde kúni tańerteń barlyq kólik túrleriniń qozǵalysy qaıta jandandy.
Zardap shekkender joq.
Foto: www.instagram.com/almatyobl_tjd
