Almaty oblysynda respýblıkalyq mańyzy bar avtojol bir kúnge jabylady

NUR-SULTAN. QazAqparat - Almaty oblysynda respýblıkalyq mańyzy bar avtojol jabylady, dep habarlaıdy óńirlik TJD baspasóz qyzmeti.

««Nurtas» JShS habarlaýy boıynsha Respýblıkalyq mańyzy bar «Saryózek-Kóktal» avtojolynda 45-68 shaqyrym ýchaskesinde rekonstýktsııalyq jumystardyń júrgizilýine baılanysty 2022 jylǵy 8 sáýir kúni saǵat 9:00-den bastap 9 sáýir kúni aralyǵynda burǵylaý-jarý jumystary júrgiziletin bolady. Osyǵan baılanysty avtokólik jolynyń osy ýchaskesi avtokóliktiń barlyq túrleri úshin jabyq bolady» delingen habarlamada.

Almaty oblysynyń TJ departamenti azamattardan osy baǵytta jol júrýden bas tartýdy jáne óz baǵytyn aldyn ala túzetýdi, sondaı-aq 112 qyzmeti beretin SMS habarlamalardy nazardan tys qaldyrmaýdy suraıdy.