Almaty oblysynda respýblıkalyq avtojol jabyldy
TALDYQORǴAN. QazAqparat - Aýa raıynyń qolaısyzdyǵyna baılanysty Almaty oblysynyń Shyǵys Qazaqstan oblysymen shekaralas aýmaǵynda jol qozǵalysy shekteldi, dep habarlaıdy QazAqparat tilshisi.
«QazAvtoJol» UK« AQ Almaty oblystyq fılıaly men «Qazaqavtojol« JShS Almaty oblystyq fılıalynyń habarlaýynsha, aýa raıynyń nasharlaýyna baılanysty (aýa temperatýrasynyń -35 S deıin tómendeýi) 27 jeltoqsan saǵat 19.00-den bastap, 28 jeltoqsan saǵat 09.00-ge deıin «Almaty - Óskemen« respýblıkalyq mańyzy bar avtojoldyń 558-615 shaqyrym aralyǵy (Úsharal qalasy-ShQO shekarasy) qoǵamdyq kólikter men dızeldi avtokólikter úshin jabylady.
Osyǵan baılanysty Almaty oblysy Tótenshe jaǵdaılar departamentiniń mamandary osy baǵyttaǵy saparlardan bas tartýdy jáne 112 qyzmeti jiberetin SMS-habarlamalardy nazardan tys qaldyrmaýdy suraıdy. Alys jolǵa shyqqan kezde aýa raıy boljamymen tanysyp, tótenshe jaǵdaılarǵa qajetti barlyq zattardy ózińizben birge alyp júrýdi eske salady.
