Almaty oblysynda raftıngten jarys ótti
TALDYQORǴAN. QazAqparat -Almaty oblysynda «Koksu water fest-2017» atty raftıngten dástúrli saıys ótti, dep habarlaıdy QazAqparat tilshisi.
Tabıǵaty keremet Qoıandy saıynda Kóksý ózenimen ótetin 15 shaqyrymdyq marafonǵa memlekettik qyzmetkerler, BAQ ókilderi, energetıkter, dızaınerler, «Jasyl el» eńbek jasaǵy, jastar barlyǵy 15 komanda qatysty.
«3-shi jyl qatarynan uıymdastyrylǵan sý festıvaliniń basty maqsaty jer jannaty-Jetisýdyń ásem tabıǵatyn kópshilikke jarııa etip, óńirde týrızmniń damýyna oń yqpal etý. Sondaı-aq ekstrımaldy sport túrlerin nasıhattap, buqarany salaýatty ómir saltyn qalyptastyrýǵa shaqyrý», deıdi Almaty oblystyq týrızm basqarmasy basshysynyń mindetin atqarýshy Arqaý Shyntaev.
Kóksý sý festıvalinde raft sý kóligine otyryp alǵash eskek ustaǵandar kóp boldy. Solardyń biri Taldyqorǵan qalasy ákiminiń baspasóz hatshysy Danııar Seısenbav. Aǵysy qatty taý ózeniniń tolqyndarymen arpalysyp, tamasha áser alǵan ol sporttyń bul túrine kóńili aýǵanyn jasyrmady.
Qaǵazbastylyq pen keńsedegi jumystan bir sát jeńildegen memlekettik qyzmetkerler ózen aǵynymen jarysyp, bir serpilip qalǵanyn aıtty. Jarys barysynda qatysýshylar tek raftpen júzip qana qoımaı, kedergilerden ótip, arqanmen taýǵa kóterilip, tústi. Saıys qortyndysy boıynsha Almaty oblysy ákiminiń apparaty birinshi oryndy ıelense, buqaralyq aqparat quraldary ókilderinen quralǵan komanda ekinshi orynǵa turaqtady. Al úshinshi oryn «TATEK» energetıkalyq kompanııa ókilderiniń enshisinde.
Aıta ketý kerek jyldan jylǵa bul festıval óz aýqymyn keńeıtýde. Oblystyq týrızm basqarmasy uıytqy bolǵan shara kelesi jyly da óz jalǵasyn tappaq.
