Almaty oblysynda prokýratýranyń tekserýinen keıin gaz arzandady
«Jyl basynan beri joǵaryda atalǵan eldi mekenderdiń turǵyndaryna qyzmet kórsetetin «Sıgma-GAZ» JShS-gi» halyq úshin taýarlyq gazdyń salystyrmaly túrde joǵary tarıfine narazylyq bildirgen. Osyǵan baılanysty, aýdan prokýratýrasy taýarlyq gazdy ótkizý boıynsha qalyptasqan tarıfke taldaý júrgizdi, nátıjeleri boıynsha monopolııaǵa qarsy zańnamanyń buzylǵany anyqtaldy. Oǵan Almaty oblysy boıynsha tabıǵı monopolııalardy retteý komıtetiniń departamenti 2021 jyldyń 12 qarashasynda jol bergen»,- dep habarlady oblystyq prokýratýradan.
Qadaǵalaý organy departament basshynyń taýarlyq gazdy ótkizý tarıfin tabıǵı gazdyń 1 tekshe metrine 37,5 teńge jáne tarıfti ulǵaıtý deregi boıynsha baǵa saraptamasyn júrgizý buıryǵynyń kúshin joıý týraly qadaǵalaý aktisin engizdi. Nátıjesinde departamenttiń 10 naýryzdaǵy №78-NQ buıryǵymen «Sıgma-GAZ» JShS-niń tarıfi bekitildi.
«Osy jyldyń 1 sáýirinen bastap joǵaryda atalǵan eldi mekender úshin qosylǵan qun salyǵyn (QQS) eskere otyryp tarıf baǵasy bir tekshe metr gaz úshin 28,95 teńgege deıin tómendedi. Osylaısha Almaty oblysynyń prokýratýrasy 9 918 tutynýshynyń quqyǵyn qorǵap, qalpyna keltirdi. «Sıgma-GAZ» JShS gazben jabdyqtaý uıymy 2 mln teńgeden astam somaǵa aıyppul túrinde ákimshilik jaýapqa tartyldy»,- dep atap ótti vedomstvodan.
