Almaty oblysynda «pro bono» zańgerlik kómegi kórsetiledi
TALDYQORǴAN. QazAqparat - Statıstıka málimetteri boıynsha Almaty oblysynda 400-den asa advokat jumys isteıdi, ıaǵnı 1 advokatqa 4 myń adam júginedi, dep habarlaıdy QazAqparat. Bul týraly óńirlik kommýnıkatsııalar qyzmeti alańynda belgili boldy.
Qazirgi tańda notarıat jáne advokatýra ınstıtýttaryn damytý jáne reformalaý baǵyttarynda QR Ádilet mınıstrligimen «advokattyq qyzmet jáne zań kómegi» týraly tujyrymdamasyna tolyqtyrýlar men ózgerister eńgizilinip, halyqtyń nazaryna «Pro bono» júıesi usynyldy. Bul júıe qoǵam ıgiligi úshin advokattar tarapynan halyqqa tegin kórsetiletin kásibı kómek.
«2008 jyly halyqaralyq zańgerler qaýymdastyǵynyń qaǵıdalarynda bekitilgendeı «pro bono» negizinde zań kómegin kórsetý - syıaqy tólenbesten nemese syıaqy kútpesten halyqtyń áleýmettik qorǵalmaǵan, osal toptaryna, sondaı-aq olarǵa qoldaý kórsetetin qoǵamdastyqtar men uıymdarǵa sapaly zań kómegin usyný bolyp tabylady. Osylaısha, «pro bono» - zańgerlik kómek kórsetýdiń memlekettik júıesi sátsiz bolǵan jaǵdaıda ótemaqy mehanızmi bolyp tabylady»,- dedi Almaty oblysy Ádilet departamentiniń basshysy Meırambek Mahambetáliuly.
Aıta keteıik, buryn zańgerlik kómekti aqyly túrde kórsetse, qazir «pro bono» júıesi arqyly tegin alýǵa bolady.
