Almaty oblysynda poıyz ben jeńil kólik soqtyǵysyp, bir adam qaza tapty

ALMATY. QazAqparat – Іle aýdanyndaǵy «Eńbek-Quıǵan» temirjol ótkelinde júk poıyzy men «Audi 100» kóligi soqtyǵysty, dep habarlaıdy QazAqparat tilshisi.

Almaty oblystyq Polıtsııa departamenti baspasóz qyzmetiniń málimetinshe, jol apaty 2 tamyz kúni bolǵan.

«Soqtyǵys saldarynan kólik órtenip, onyń 40 jastaǵy júrgizýshisi oqıǵa ornynda qaza tapty. Kólikte bolǵan taǵy úsh er adam túrli dene jaraqattarymen ortalyq aýdandyq aýrýhanaǵa jetkizildi», - dep habarlady polıtsııadan.

Jol-kólik oqıǵasy QR Qylmystyq kodeksiniń 345-baby 3-bóligi «Abaısyzda adam ólimine ákep soqqan kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzý» boıynsha tergelip jatyr.

Eske salsaq, Atyraý oblysynda júk poıyzy men jeńil kólik soqtyǵysyp, bir adam mert bolǵan edi. Sondaı-aq, Qostanaıda júk poıyzy men kólik soqtyǵysyp, eki adam qaza tapty .