Almaty oblysynda poshta qyzmetkeri ózgeniń shotyndaǵy aqshany jymqyryp, isti boldy
TALDYQORǴAN.QazAqparat - Almaty oblysynda poshta qyzmetkeri ózgeniń shotyndaǵy aqshany jymqyryp, isti boldy. Atalǵan jaǵdaı Alakól aýdanyndaǵy Qabanbaı aýylynda bolǵan, dep habarlaıdy QazAqparat tilshisi.
Shotyndaǵy aqshasynan aıyrylǵan turǵyn aýdan prokýratýrasyna aryzdanǵan. Arnaıy tekseris barysynda urynyń alystan kelmegeni anyqtaldy. Qabanbaı aýylyndaǵy poshta baılanysy bólimshesiniń burynǵy operatory K. esimdi azamatsha óziniń qyzmet babyn paıdalanyp, ózgeniń esepshotynan 1 000 000 teńge aqshany jymqyrǵan. Alakól aýdany prokýratýrasymen atalǵan derek boıynsha sotqa deıingi tergep-tekserý amaldary bastalyp, poshtanyń burynǵy qyzmetkeriniń ústinen QR Qylmystyq kodekstiń 189 baby 2 bóliminiń 3 tarmaǵyna sáıkes is (senip tapsyrylǵan bóten múlikti ıemdenip alý nemese talan-tarajǵa salý) qozǵalyp, sotqa joldandy. Sottyń úkimime sáıkes K. esimdi azamatsha kináli dep tanyldy. Eki jyl merzimge bas bostandyǵy shekteldi. Múlki tárkilendi. Materıaldyq jaýapty laýazymyn atqarý quqyǵynan eki jyl merzimge aıyyryldy. Biraq QR raqymshylyq týraly Zańyna baılanysty sottalýshy negizgi jazadan bosatyldy.
Sot úkimi zańdy kúshine endi.
