Almaty oblysynda polıtsııaǵa qarý ótkizgenderge 6 mln teńgeden asa syıaqy tólendi
Almaty oblysynda 26 355 azamattyq qarý ıeleri tekserildi. Qarýdy saqtaý, tirkeý jáne qaıta tirkeý erejelerin búzýdyń 984 yaktisi anyqtaldy. Atys qarýy men onyń oq-dárilerin zańsyz saqtaý faktileri boıynsha 19 qylmystyq is qozǵaldy (QR QK 287-baby). Jeke jáne zańdy tulǵalardyń qarýdy zańsyz ıemdengeni, bergeni, ótkizgeni, saqtaǵany, alyp júrgeni, tasymaldaǵany úshin QR ÁQBtK-niń 482-baby boıynsha 37 azamat ákimshilik jaýapqa tartyldy.
«Atalǵan is-sharalardyń nátıjesinde qarýmen baılanysty qylmystar men urlyq tómendedi. QR ІІM buıryǵyna sáıkes, bıyl 20 sáýirden bastap Almaty oblysynyń aýmaǵynda halyqtan zańsyz saqtalǵan atys qarýyn, oq-dárilerdi jáne jarylǵysh zattardy satyp alý aktsııasy ótkiziledi. Polıtsııa departamenti jáne oblystyń barlyq qalalyq, aýdandyq polıtsııa basqarmalary men bólimderinde tapsyrylǵan qarýdyń, oq-dárilerdiń jáne jarylǵysh zattardyń tehnıkalyq jaı-kúıin, sondaı-aq syıaqy mólsherin anyqtaý jónindegi 21 komıssııa quryldy. Búgingi kúni Almaty oblysynyń aýdandyq jáne qalalyq polıtsııa bólimsheleri jalpy somasy 6 mln.58 myń 691 teńgege 99 birlik qarýdy (89 birlik tegis uńǵyly, 9 birlik oıyq uńǵyly, 1 birlik travmatıkalyq jáne 176 dana oıyq uńǵyly patrondar) óz erkimen tapsyrǵan azamattardyń 74 ótinishin tirkedi. Osy baǵyttaǵy jumystar jalǵasýda»,- delingen Almaty oblysy Polıtsııa departamentiniń baspasóz qyzmeti taratqan habarlamada.